تجھے عشق ہو خدا کرے
تجھے عشق ہو خدا کرے
کوئی تجھ کو اس سے جدا نہ کرے
تیرے لب ہنسنا بھول جائیں
اور تیری آنکھ پر نم رہا کرے
اسے دیکھ کر تو رک پڑے
اور وہ نظریں جھکا کر چلا کرے
تجھے ہجر کی وہ جھڑی لگے
تو ملن کی ہر پل دعا کرے
تیرے خواب بکھریں ٹوٹ کر
اسے کرچی کرچی چنا کرے
تو نگر نگر پھرا کرے
تو گلی گلی صدا کرے
تجھے عشق ہو پھر یقین ہو
اسے تسبیحوں میں پڑھا کرے
میں کہوں کہ عشق ڈھونگ ہے
اور تو نہیں نہیں کہا کرے
Comments
Post a Comment